सोमबार, मंसिर ३०, २०७६

खेलकुद

नेयमार भित्र्याउन बार्सिलोना भन्दा रियल अगाडि

ब्राजिलियन स्टार खेलाडी नेयमारको अफवा पछिल्लो साता पूनः चुलिएको छ । रिपोर्टका अनुसार यतिबेला नेयमारलाई अनुबन्ध गर्न बार्सिलोना भन्दा रियल अघि रहेको जनाइएको छ । 

नेयमार भित्र्याउन बार्सिलोना भन्दा रियल अगाडि
एजेन्सी- ब्राजिलियन स्टार खेलाडी नेयमारलाई अनुबन्धित गर्न बार्सिलोना भन्दा रियल अघि रहेको चर्चा चलेको छ । 

रियलले नेयमारलाई लिनका लागि पिएसजीसँग छलफल गरेको  खुलासा भएसँगै उनी रियल जाने समाचारहरु प्रकाशन हुन थालेका हुन् ।  पिएसजीका अध्यक्ष नासर अल-खे नेयमार रियललाई दिनका लागि  तयार भएको समाचारहरु आइरहेका छन् । 
 
रियल चाहिँ  ग्यारेथ बेल, जेम्स रोड्रिगिज र इस्को पीएसजीलाई दिन तयार रहेको बताइएको छ । पिएसजीका गोलरक्षक बुफोन इटालियन क्लब युभेन्ट्समा अनुबन्धित भएपछि  नाभास र थिवाउट कोउर्टोज मध्य एकको बारेमा पनि छलफल भइरहेको जनाइएको छ ।  

बार्सिलोनाले  गरेको इभान राकिटिक र फिलिप्पे काउटिन्हो सहितको प्रस्तावको तुलनामा रियलको प्रस्ताव ठूलो  भएकोले  रियल र पीएसजीबीच सहमति हुन सक्ने अनुमान गरिएको हो। पिएसजी नेयमारलाई कम्तिमा पनि २०० मिलियन युरोमा बेच्न चाहन्छ ।  २०० मिलियन युरो दिन नसकेमा एक खेलाडी र बाँकी रकम दिए पनि हुने उसको प्रस्ताव छ । 

 पिएसजीको उक्त प्रस्ताव रियलका लागि  स्वीकार्य छ । तर, बार्सिलोना भने नेयमारसँग आफ्ना खेलाडी मात्र साट्न चाहन्छ ।  
प्रतिक्रिया दिनुहोस्