शनिबार, कात्तिक ३०, २०७६

समाचार

प्रदेश १ : ५ जिल्लाका ८ स्थानमा उपनिर्वाचन हुने

प्रदेश १ का विभिन्न ३ स्थानीय सरकारका प्रमुख र ५ जना वडाअध्यक्षले ज्यान गुमाएका छन् ।

प्रदेश १ : ५ जिल्लाका ८ स्थानमा उपनिर्वाचन हुने
इटहरी- संघीय मन्त्रीपरिषदको बैठकले आगामी मंसिर १४ गते स्थानिय चुनावको मिति तोकोको छ । मिति तोकिएसँगै प्रदेश १ का विभिन्न ५ जिल्लाका ८ स्थानमा चुनाव हुने निश्चित भएको हो ।

संविधानसभाका सदस्य रेवतीरमण भण्डारीले यस अगाडि नेपालमा स्थानीय निकाय हुँदा उपनिर्वाचन नभएकोमा स्थनीय तहमा भने हुन लागेकोले उत्साह छाएको बताए । 

प्रदेश १ का विभिन्न ३ स्थानीय सरकारका प्रमुख र ५ जना वडाअध्यक्षले ज्यान गुमाएका छन् । ज्यान गुमाएका जनप्रतिनिधिहरुको कारणले रिक्त स्थानीय तहमा चुनाव हुने भएको हो ।

प्रदेश १ का संखुवासभा, भोजपुर, सुनसरी, मोरङ र पाँचथरका विभिन्न ८ स्थानमा चुनाव हुने भएको छ ।

प्रदेश १ का विभिन्न ८ जना जनप्रतिनिधिहरु गुमाएका ७ स्थानिय तहमा चुनाव हुने भएको छ । 

सुनसरीको धरान उपमहानगरपालिकाका मेयर र वडा नम्बर ७, संखुवासभाको मकालु गाँउपालीका अध्यक्ष, भोजपुरको पौवादुङमा गाँउपालीका १, मोरङको धनपालथान गाँउपालीका वडा नम्बर २, पाँचगरको फाल्गुनन्द गाँउपालीका अध्यक्ष, हिलिहाङ गाँउपालीका वडा नम्बर ७ र फिदिम गाँउपालीका वडा नम्बर १ मा अध्यक्षको लागि चुनाव हुने भएको छ । 

प्रदेश १ ले कुन दिन कुन जनप्रतिनिधि गुमायोे ?

-२०७४ पुष ३० गते मकालु गाँउपालिका अध्यक्ष खड्गबहादुर कट्वाल
-२०७४ चैत १६ गते हिलिहाङ गाँउपालिका ७ का वडा अध्यक्ष तिर्थराज तिम्सीना
-२०७५ जेठ २ गते धरानको वडा नम्बर ७ का अध्यक्ष भुवन मोक्तान
-२०७५ जेठ २४ गते धनपालथान गाँउपालिका २ का अध्यक्ष बलिराम भगत
-२०७५ साउन १ गते धरान उपमहानगरपालिका मेयर तारा सुब्बा 
-२०७५ माघ २६ गते फाल्गुनन्द गाँउपालिका अध्यक्ष अमर बहादुर नेम्बाङ
-२०७६ सावन ६ गते फिदिम नगरपालिका १ का वडा अध्यक्ष हर्क मोक्तान
-२०७६ सावन १८ गते पौवादुङमा गाँउपालिका १ का वडा अध्यक्ष रुद्रबहादुर पाण्डे
प्रतिक्रिया दिनुहोस्