आईतबार, मंसिर १, २०७६

प्रविधि

ओलम्पिकका लागि जापानले बनायो मोबाइल मस्जिद

जापानले ओलम्पिकमा सहभागी हुने मुस्लिम खेलाडीहरूको लागि मोबाइल मस्जिद बनाएको छ।

ओलम्पिकका लागि जापानले बनायो मोबाइल मस्जिद
सन् २०२० मा जापानमा ओलम्पिक प्रतियोगिता हुँदैछ। जापानले यसका लागि सबै प्रकारको तयारी गरिरहेको छ। अनौठो विषय त के छ भने जापानले ओलम्पिकमा सहभागी हुने मुस्लिम खेलाडीहरूको लागि मोबाइल मस्जिद बनाएको छ।

मोबाइल मस्जिद्को अर्थ विभिन्न ठाउँमा लैजान मिल्ने मस्जिद हो। यस्तो मोबाइल मस्जिद स्टेडियमको बाहिर राखिने भएको छ। यस मस्जिदमा ५० जना व्यक्तिले एक साथ नमाज पढ्न सक्नेछन्।

यसलाई जापानको टोक्यो स्पोट्र्स एन्ड कल्चर इभेन्ट कम्पनीले बनाएको हो। 

रिर्मोटको इसारमा खुल्छन् गेट र छत

दैनिक भास्करमा उल्लेख भए अनुसार, मस्जिदको गेट र छत रिर्मोटको इसारामा चल्छ।  यस मस्जिद ठूला ट्रकहरूलाई प्रयोग गरेर बनाएको छ।

साढे पाँच सय स्क्वायर फिटको आकारको रहेको छ। रिर्मोटको सहायताले ट्रकको पछिल्लो भागमा सानो सिढी निस्कन्छ र त्यसपछि गेट। भित्री भागमा कार्पेट तथा हात धुने सुविधा छ।

मुस्लिम खेलाडीलाई नमाज पढ्न समस्या नहोस् भनी यस मोबाइल मस्जिदको सञ्चालन गर्ने लागेको जापान टोकियो स्पोट्र्स एन्ड कल्चर इभेन्ट कम्पनीले जनाएको छ।

टोक्यो ४ वटा मात्र मस्जिद भएका कारण यस प्रकारको मोबाइल मस्जिद बनाइएको हो। मोबाइल मस्जिदको प्रयोग जापानमा पहिलो पटक हुन लागेको हो। 

यसअघि इन्डोनेसियामा मोबाइल मस्जिदको प्रयोग सन् २०१६ भएको थियो।
प्रतिक्रिया दिनुहोस्