शुक्रबार, कात्तिक २९, २०७६

समाचार

शिक्षकको कुटाईबाट घाईते विद्यार्थीको मृत्यु    

कञ्चनपुरको एक निजी स्कुलका शिक्षकको कुटाईबाट घाईते विद्यार्थीको मृत्यु भएको छ ।

शिक्षकको कुटाईबाट घाईते विद्यार्थीको मृत्यु    
धनगढी- कञ्चनपुरको एक निजी स्कुलका शिक्षकको कुटाईबाट घाईते विद्यार्थीको मृत्यु भएको छ ।
 
भारतमा उपचार भइरहदा उनको मृत्यु भएको घर परिवारले जनाएका छन् । भीमदत्त नगरपालिका–१७ मझगाउँको महाकाली बाल विद्यालयका छात्र माधव कलौनीलाई शिक्षकले कुटपिट गरेका थिए। 

विद्यालय बाहिर साथीभाइसँग झै–झगडा गरेको विषयलाई आधार बनाएर विद्यालयका प्रधानाध्यापक सहितका शिक्षकले कलौनीलाई कुटपिट गरेको उनको परिवारले जनाउदै आएका थिए ।

९ कक्षामा अध्ययनरत कलौनीलाई गत शुक्रबार विद्यालयमै कुटपिट गरेको उनका बुवा बृहस्पति कलौनीले बताए । प्रधानाध्यापक यशोदा जोशी, शिक्षकद्वय लक्ष्मणदत्त भट्ट र दुर्गादत्त पाठकले कुटपिट गरेर घाइते बनाएको उनले बताए । 

कुटपिटबाट कलौनीको टाउको र छातीमा चोट लागेको थियो भने दायाँखुट्टा भाँचिएको बुवा बृहस्पतिले बताए । शव बुधबार भारतबाट नेपाल  ल्याइन लागेको परिवाले जनाएको छ ।
प्रतिक्रिया दिनुहोस्