शनिबार, जेठ १७, २०७७

z
समाचार

२५ हजार घुससहित शिक्षा इकाइ प्रमुख पक्राउ

शिक्षा विकास तथा समन्वय इकाई सल्यानका प्रमुख (शाखा अधिकृत) धनबहादुर ओली घुस रकमसहित पक्राउ परेका छन्।

२५ हजार घुससहित शिक्षा इकाइ प्रमुख पक्राउ
सुर्खेत- शिक्षा विकास तथा समन्वय इकाई सल्यानका प्रमुख (शाखा अधिकृत) धनबहादुर ओली घुस रकमसहित पक्राउ परेका छन्।

अख्तियार दुरुपयोग अनुसन्धान आयोग सुर्खेतको टोलीले उनलाई २५ हजार घुस रकम लिएको अवस्थामा मंगलबार कार्यकक्षबाटै पक्राउ गरेको हो।

शिक्षक सरुवाको सहजीकरण गरेवापत एक सेवाग्राहीसँग घुस लिँदै गरेको अवस्थामा उनी पक्राउ परेका अख्तियारले जनाएको छ।

ओलीको मुद्दाको आवश्यक प्रतिवेदन तयार गरिसकेपछि विशेष अदालतमा मुद्दा दायर गरिने अख्तियार दुरुपयोग अनुसन्धान आयोगको सुर्खेत कार्यालयका सूचना अधिकारी मेघनाथ सापकोटाले बताए।

ओली गएको वैशाख ११ गतेदेखि सल्यानमा इकाई प्रमुखको रूपमा कार्यरत थिए।
 
प्रतिक्रिया दिनुहोस्