आईतबार, मंसिर १, २०७६

प्रविधि

इन्टनेटको मूल्य समायोजन गरिने

सरकारले इन्टरनेटको मूल्य समायोजन गर्ने निर्णय गरेको छ। विहीबार सञ्चार तथा सूचना प्रविधि मन्त्रायले मन्त्रीपरिषद्को निर्णय सार्वजनिक गर्न आयोजना गरेको पत्रकार सम्मेलनमा प्रबक्ता मन्त्री गोकुलप्रसाद बास्कोटाले लामो समयदेखि विवादमा रहेको इन्टरनेटको शुल्क समायोजन गरेको जानकारी दिए। 

इन्टनेटको मूल्य समायोजन गरिने
काठमाडौं– सरकारले इन्टरनेटको मूल्य समायोजन गर्ने निर्णय गरेको छ। विहीबार सञ्चार तथा सूचना प्रविधि मन्त्रायले मन्त्रीपरिषद्को निर्णय सार्वजनिक गर्न आयोजना गरेको पत्रकार सम्मेलनमा प्रबक्ता मन्त्री गोकुलप्रसाद बास्कोटाले लामो समयदेखि विवादमा रहेको इन्टरनेटको शुल्क समायोजन गरेको जानकारी दिए। 

उनले सरकारले इन्टरनेट जडान गर्दा लाग्ने राउटर लगायतका उपकरण, इन्टरनेट लिज लाइन डाटा कनेक्टीभिटी र मर्मत सम्भार शुल्कमा दुरसन्चार सेवा दस्तुर छुट दिई इन्टरनेट सेवाको मूल्य समायोजन गर्ने निर्णय गरिएको बताए। योसँगै इन्टरनेट सेवा प्रदायक कम्पनीहरूलाई केही राहत मिलेको छ। 

गत आर्थिक वर्ष साउन १ देखि इन्टरनेट सेवामा १३ प्रतिशत दूरसञ्चार सेवा शुल्क लिने व्यवस्था सरकारले आर्थिक ऐनमार्फत गरेको थियो।  सो शुल्क अहिलेसम्म पनि इन्टरनेट सेवा प्रदायक कम्पनीहरूले तिरिरहेको सुविसु इन्टरनेट कम्पनीका प्रमुख सुधिर पराजुलीले जानकारी दिए। 

यसिअघि इन्टरनेट सेवा प्रदायक कम्पनीहरूले आफूले तिरिरहेको १३ प्रतिशत दुरसञ्चार सेवा शुल्क नघटाए साउनदेखि आन्दोलन गर्ने चेतानी दिएका थिए। यस व्यवस्थापछि अब इन्टरनेट सेवा प्रदायक कम्पनीहरूले जम्मा ४ प्रतिशत रुपैयाँ दुरसञ्चार सेवा शुल्क तिरे पुग्छ।
प्रतिक्रिया दिनुहोस्