मंगलबार, जेठ २०, २०७७

z
समाचार

अमेरिकामा अन्धाधुन्ध गोली चल्यो, ११ जनाको मृत्यु

अमेरिकाको भर्जिनियास्थित एक सरकारी भवनमा अन्धाधुन्ध गोली चल्दा ११ जनाको मृत्यु भएको छ भने ६ जना घाइते भएका छन्।

अमेरिकामा अन्धाधुन्ध गोली चल्यो, ११ जनाको मृत्यु
तस्बिर : एजेन्सी
काठमाडौं - अमेरिकाको भर्जिनियास्थित एक सरकारी भवनमा अन्धाधुन्ध गोली चल्दा ११ जनाको मृत्यु भएको छ भने ६ जना घाइते भएका छन्। प्रहरीका अनुसार गोली प्रहार गर्ने व्यक्ति भर्जिनिया विच सिटीका कर्मचारी हुन्। उनी लामो समयदेखि त्यहाँ काम गर्दै आएका थिए।

उनको प्रहरी कारबाहीको क्रममा ज्यान गएको भएपनि प्रहरीले घटना घटाउने व्यक्तिका बारे विस्तृत जानकारी दिएको छैन। घटनामा परी एक प्रहरीसमेत घाइते भएका छन्। प्रहरीका अनुसार शुक्रबार साँझ ४ बजे घटना भएको हो। गोली प्रहार गर्ने व्यक्ति एक्लै भएको प्रहरीले जानकारी दिएको छ। घटनाको अमेरिकी राष्ट्रपति डोनाल्ड ट्रम्पले भर्त्सना गरेका छन्।
प्रतिक्रिया दिनुहोस्