आइतबार, जेठ २५, २०७७

z
समाचार

ट्रकले किचेर सहचालकको मृत्यु

अछाममा ट्रकमा च्यापिएर सहचालकको ज्यान गएको छ। बुधबार बेलुका ४ बजेतिर पहञ्चदेवल नगरपालिका-४ बेल्खेतमा रहेको चेक पोष्टमा प्रवेशका लागि दर्ता गराउन ओर्लिने क्रममा टायरमा फसेपछि सहचालकको ज्यान गएको बताइएको छ।

ट्रकले किचेर सहचालकको मृत्यु
धनगढी - अछाममा ट्रकमा च्यापिएर सहचालकको ज्यान गएको छ। बुधबार बेलुका ४ बजेतिर पहञ्चदेवल नगरपालिका-४ बेल्खेतमा रहेको चेक पोष्टमा प्रवेशका लागि दर्ता गराउन ओर्लिने क्रममा टायरमा फसेपछि सहचालकको ज्यान गएको बताइएको छ।

विनायकबाट दैलेखतर्फ जाँदै गरेको ना ५ ख ११४४ नम्वरको ट्रकले किचेर गम्भीर घाइते भएका कपिलवस्तु घर भएका करिब १८ वर्षीय बिष्णु नाम गरेका सहचालकलाई उपचारका लागि दैलेखको राकम पुर्‍याउनेबित्तिकै मृत्यु भएको अस्थाइ प्रहरी पोष्ट बेल्खेतका प्रहरी हवल्दार रमेश नाथले जानकारी दिए।

ट्रक र चालक रामनाथ थारुलाई अस्थाइ प्रहरी पोष्ट बेल्खेतले नियन्त्रणमा लिएको जिल्ला प्रहरी कार्यालय अछामका प्रहरी नायब उपरीक्षक जनक बहादुर शाहीले जानकारी दिए। मृतकको विस्तृत विवरण प्राप्त भइनसकेको प्रहरीले जनाएको छ।
प्रतिक्रिया दिनुहोस्