मंगलबार, असार २३, २०७७

z
समाचार

फनपार्क र टुकुचाको तरकारी बजार हटाउन सरकारको निर्देशन 

समाज कल्याण परिषद्ले हरित कृषि सहकारी संस्था लिमिटेडसँग काठमाडौँको प्रदर्शनीमार्गमा रहेको फनपार्क र टुकुचा तरकारी बजारसँगको जग्गा भाडा सम्झौता रद्द गरेको छ । 

फनपार्क र टुकुचाको तरकारी बजार हटाउन सरकारको निर्देशन 
काठमाडौँ- समाज कल्याण परिषद्ले हरित कृषि सहकारी संस्था लिमिटेडसँग काठमाडौँको प्रदर्शनीमार्गमा रहेको फनपार्क र टुकुचा तरकारी बजारसँगको जग्गा भाडा सम्झौता रद्द गरेको छ । 

परिषद्ले सहकारीलाई पठाएको सम्झौतापत्रमा २०७४ असोज ३० गते सहकारीसँग २५ वर्षका लागि करार गर्ने भनिए तापनि करार प्रक्रियामा कुरा नमिलेपछि सम्झौता नै रद्द गरेको उल्लेख गरेको छ । परिषद्ले प्रदर्शनीमार्गमा रहेको आफ्नो साढे ८३ रोपनी जग्गाको भाडा करार सम्झौता रद्द गरिएको पत्र सहकारीलाई पठाएको हो ।
    
परिषद अधिनको जमिन निकै कम मूल्यमा भाडा लगाएको विषयमा विवाद खडा भएपछि छानविन गर्न समिति गठन भएको थियो । समिति भाडामा लगाउने सम्झौता विधिसम्मत नभएको प्रतिवेदन बुझाएपछि मन्त्रिपरिषदले खारेज गर्न निर्देशन दिएको हो ।

 
प्रतिक्रिया दिनुहोस्