इंग्ल्यान्ड (एजेनसी)- म्यानचेस्टर सिटीका मिडफिल्डर केभिन डे ब्रुइन आफ्नो घुँडाको चोट पछि प्रशिक्षणका लागि फर्किएका छन् । यस अघि मिडफिल्डर ब्रुइन तीन महिना मैदान बाहिर रहन सक्ने अनुमान गरिएको थियो । छ हप्ता पहिला उनको दाँया खुट्टको घुँडाको लिगामेन्टमा चोट लागेको थियो ।
२७ बर्षीय ब्रुइनले चोटका लागि कुनै चिकित्सा सल्यक्रिया भने नलिएको खुलासा भएको छ । सिटीले आइतबार प्रिमियर लिगमा लिभरपुलको सामना गर्दै छ । सोमबार भएको प्रि–म्याच कन्फ्रेन्समा कप्तान भिन्सेन्ट कम्पनिले ब्रुइन सर्वश्रेष्ठ खेलाडी मध्य एक भएको बताएका थिए ।
बेल्जियम डिफेन्डर भिन्सेन्टले भने, ‘यो मापन गर्न गाह्रो छ की उनी विना कति नोक्सान भएको छ भनेर । उनी सबैभन्दा राम्रा मिडफिल्डर हुन् । उनी भए अझै हाम्रो लक्ष्य मिल्छ र उनीसँग धेरै सहायता मिल्छ ।’
उनले थपे, ‘उनको उपस्थिती ठुलो छ र तपाइले उनलाई फुटबलमा देखि रहेका छैनौ । सौभाग्यबस हामीसँग उनको कमि भर्नका लागि खेलाडी छ ।’ बेल्जियम राष्ट्रिय टिमका ब्रुइनले यस सिजनमा आफ्नो पहिलो आर्सनलविरुद्धको खेलमा सब्सिच्युटका रुपमा रहेका थिए ।
उनले २०१७-१८ को सिजनमा सिटीका लागि सबैखाले खेलमा १२ गोल र २१ असिष्ट गरेका थिए । किनकी सिटीले गत सिजनको प्रिमियर लिग र इएफएल कप जितेको थियो ।
रुस विश्वकपमा उनले बेल्जियमलाई तेस्रो स्थान पुर्याउन महत्वपुर्ण भुमिका खेलेका थिए । जसले प्रतियोगितामा देशका लागि बसैभन्दो राम्रो प्रदर्शन गरेका थिए ।
प्रकाशित: Dec 31, 2017| 18:23 आइतबार, पुस १६, २०७४