काठमाडौं-बंगलादेशमा जारी बंगबन्धु गोल्ड कप अन्तर्गत साबिकको विजेता नेपाली राष्ट्रिय फुटबल टोली आफ्नो पहिलो खेलमा ताजिकिस्तानसँग पराजित भएको छ । बंगलादेशको सिलेटस्थित रंगशालामा मंगलबार भएको खेलमा नेपाल ताजिकिस्तानसँग २-० को गोल अन्तरले पराजित भएको हो ।
यससँगै नेपालको उपाधि यात्राको सुरुवात हारबाट भएको छ । ताजिकिस्तानले खेलको २७ औं मिनेटमा अग्रता लिएको थियो । निकै नै आक्रमक देखिएको ताजिकिस्तानले पेनाल्टि मार्फत गोल गर्दै अग्रता लिएको थियो ।
नेपाली टोलीका रक्षक अनन्त तामाङले विपक्षी खेलाडीलाई पेनाल्टी बक्समा फाउल गरेपछि ताजकिस्तानले पेनाल्टी पाएको थियो । उक्त पेनाल्टीलाई ताजिकिस्तानका फाथ्खुल्लो फाथुएल्लोभले गोलमा परिणत गर्दै पहिलो हाफमा १-० को अग्रता दिलाए ।
दोस्रो हाफमा दुबै टोलि निकै नै आक्रमक देखिए पनि ताजिकिस्तान थप एक गाेल गर्न सफल भयाे । दाेस्राे हाफको ६९ अाै मिनेटमा ताजिकिस्तानले थप एक गाेल गर्दै खेल २-० ले जितेकाे हाे ।
नियमित कप्तान विराज महर्जन पहिलो हाफमा घाइते भएपछि टोलीको कप्तानी नीराजन खड्काले सम्हालिरहेका थिए भने विराजको ठाँउमा सुमन महर्जन मैदान प्रवेश गरेका थिए ।
यस प्रतियोगितामा राष्ट्रिय टोलीको पहिलो रोजाईका गोलरक्षक किरण चेम्जोङ र मिडफिल्डर रोहित चन्द भने उपटस्थित थिएनन् । दुवै खेलाडी विदेशी लिगमा खेल्ने भएकाले आफ्नो क्लबको खेलमा नै व्यस्त भएकाले यस खेलका लागि उपस्थित थिएनन् ।
साफपछि किरणले टीसी स्पोर्ट्सको लागि लिग खेल्दै छन् भने यता रोहितले पनि इन्डोनेसिया डर्बीमा खेलि रहेका छन् । समूह ‘ए’ मा रहेको नेपाले अाफ्नाे दाेस्राे खेल ६ अक्टोवरमा प्यालेस्टाइनसँग खेल्नेछ । दुबै समूहका शीर्ष दुई टोलीले प्रतियोयोगिताकाे सेमिफाइनलमा स्थान बनाउने छन् ।
प्रकाशित: Dec 31, 2017| 18:23 आइतबार, पुस १६, २०७४