ल्होत्से हिमालको टुप्पोबाट चिप्लेटी खेल्दै अवतरण 

काठमाडौं- अमेरिकी  नागरिक सहितको दुईजना आरोहीले  विश्वको चौथो उच्च हिमाल ल्होत्सेको टुप्पोबाट चिप्लेटी खेल्दै  सफलतापूर्वक अवतरण गरेका छन् ।

ल्होत्से हिमालबाट चिप्लेटी खेल्दै हिमाल आरोही अवतरण गरेकाे संभवत याे पहिलो पटक हो । क्यालिफोर्नियाका जेम्स मोरिस, टेल्युराइडका हिलारी नेलशनले   तीनजना नेपाली पथप्रदर्शकको सहयोगमा ८५१६ मिटर उच्च हिमालबाट सफलता पूर्वक आइतबार अवतरण गरेको एक्सट्रिम क्लाइम्बर्स ट्रेक एण्ड एक्पेडिशनका  पेम्बा शेर्पाले जानकारी दिए ।

समाचार एजेन्सी अमेरिकन प्रेसका अनुसार मोरिशन र नेलशनले हिमालबाट झर्ने क्रममा स्कि खेल्दै झरेका हुन् । उनीहरूको स्वास्थ्य अवस्था सामान्य रहेको बताइएको छ। शरद ऋतुमा ल्होत्से हिमाल आरोहण गर्ने यो एकमात्र आरोहण दल थियो ।