काठमाडौं- इतिहासदेखि हालसम्म प्रायजसो जर्सी नम्बर ७ महान खेलाडीलाई प्रदान गर्ने गरिएको छ । तर, हाल प्रायजसो जर्सी नम्बर ७ सेन्टर फरवार्डलाई प्रदान गरिएको देखिन्छ ।
यस रिपोर्टमा हामी विश्व फुटबलका सात त्यस्ता खेलाडीहरूलाई प्रस्तुत गर्दैछौं, जसले जर्सी नम्बर ७ लगाउँदै यसको महत्व बढाएका छन् ।
७) एन्ड्रिय सेभचेन्को
एन्ड्रिय सेभचेन्को फुटबल इतिहासमा सात नम्बर जर्सी लगाउने खेलाडीमध्ये सातौं नम्बरमा परेका छन् । उनी युरोपमा सबैभन्दा घातक स्ट्राइकरमध्येका एक हुन् ।
एक उत्कृष्ट अलराउन्डर तथा सेन्टर फरवार्ड एन्ड्रिय सेभचेन्को एक मिहिनेती, मजबुत र नैतिकवान थिए । उनले एसी मिलानका लागि तीन सय २२ खेल खेले, त्यसक्रममा एक सय ७५ गोल समेत गरेका थिए । जर्सी नम्बर सात एन्ड्रिय सेभचेन्को बेलोन डि ओरका लागि आठ पटक मनोनित भएका थिए । तर, उनले एक पटक सन् २००४ मा बेलोन डि ओर उपाधि जितेका थिए भने दुई पटक तेस्रो भएका थिए ।
६) लुइस फिगो
सोह्रौं शताब्दीको अन्त्यतिर लुइस फिगो दुनियाँका सबैभन्दा राम्रा फुटबलर थिए । उनमा उत्कृष्ट बल नियन्त्रण र शानदार क्रसिङ क्षमता थियो । उनी ६ पटक पोर्चुगिज फुटबलर अफ दी इयर भएका थिए ।
उनले सन् २००० मा बेलोन डि ओर जिते । फिजोको अन्तिम सिजन बार्सिलोनामा थियो । तर, उनी रियल मड्रिड र इन्टर मिलानका लागि पनि उत्तिकै उत्कृष्ट थिए । लुइस फिगोले आफ्नो राष्ट्र पोर्चुगलका लागि एक सय २७ खेल खेलेका थिए । फिगोले रियलमा १० नम्बर जर्सी लगाएका थिए । तर, उनले स्पोर्टिङ, बार्सिलोना, इन्टर मिलान र पोर्चुगलका लागि प्रतिष्ठित जर्सी नम्बर सात लगाएका थिए ।
५) केनी डाग्लिस
पूर्ण लिभरपुल लिजेन्डरी फुटबल खेलाडी केनी डाग्लिसलाई ‘किङ केनी’ भनेर समेत चिनिन्छ । मर्सिसाइडको आधा रातो भागमा केनी इंग्ल्यान्डका उत्कृष्ट फुटबलरमध्ये एक थिए ।
एक मास्टर स्किमर इयान रसपछि उनी दोस्रो स्ट्राइकरका रूपमा चिनिन्थे । यससँगै उनले एनफिल्डमा आफ्नो अधिकांश समय कडा मिहिनेतमै गोलका लागि बिताए । उनी सेल्टिक समर्थकबीच लोकप्रिय थिए । किनकि, उनी लिभरपुलका प्रशंसकमध्ये एक थिए ।
सन् १९८३ मा उनी बेलोन डि ओर रनर-अप बनेका थिए । केनीले एक खेलाडीका रूपमा १० लिग उपाधि र तीन युरोपियन कप जिते । उनले लिभरपुलका लागि पहिलो महान खेलाडीको रूपमा आफूलाई नामांकित गरेका थिए ।
४) जोर्ज बेस्ट
जोर्ज बेस्ट एक अदभुत क्षमता भएका फुटबल खेलाडी हुन् । विंगर जोर्ज बेस्टले आफ्नो शानदार सिजनमा ३२ गोल गरेका थिए । जो सन् १९६० को दशकमा एक उत्कृष्ट खेलाडीका रूपमा लगभग अञ्जान थिए ।
लामो कपाल र प्ले-ब्वाइजस्तो देखिने उनले उक्त सिजनलाई आफ्नो इतिहासमा एक ठूलो उत्सवका रूपमा मनाए । उनको जर्सी नम्बर ७ ओल्ड ट्राफोर्डमा धेरै प्रख्यात भएको थियो । उनी तीन पटकका बेलोन डि ओर विजेतासमेत हुन् । फुटबल बाहिर उनको भविष्य मात्र २७ वर्षको उमेरमा राम्रो लयमा हुँदा हुँदै सकिएको थियो । तर, अझै पनि उनी सात खेलाडीमध्ये चौथो स्थानमा छन् ।
३) स्टेन्ली म्याथ्युज
इंग्ल्यान्डका महान खेलाडी हरेक पटक उत्कृष्ट सातमा सधैं रहन्छन् । स्टेन्ली म्याथ्युज वास्तवमै विश्वका पहिलो सुपरस्टार थिए । यसैले पनि होला, इंग्ल्यान्डका रहेक खेलाडी आफ्नो जर्सीको पछाडि सात नम्बर लगाउन चाहन्छन् ।
ड्रिबलका विजार्ड नाम बदलेर म्याथ्युज एक मास्टर टेक्निसियन बनेका थिए । जो बक्सभित्र घातक क्रसको सिर्जना गर्न तल्लीन र निरन्तर थिए ।
दुनियाँमा हरेक बायाँ पक्ष फुल-ब्याक म्याथ्युजको चाल जान्दथे । तर, कोही पनि उनलाई रोक्न सक्दैनथे । जसमा दुनियाँका धेरै सर्वश्रेष्ठ खेलाडी सहभागी थिए । उनको करिअर ३३ वर्षसम्म फैलियो ।
५० वर्षको उमेरमा समेत उनी शीर्ष स्थानमा थिए । उनले ४१ वर्षको उमेरमा बेलोन डि ओर र ४८ वर्षमा एफडब्लूए वर्षको उत्कृष्ट खेलाडी अवार्ड जितेका थिए ।
२) गारिन्चा
त्यतिबेला स्टेन म्याथ्युजलाई पछि पार्न एक मात्र ब्राजिलियन विंगर गारिन्चाको नाम आउँछ । उनले सन् १९५८ र १९६२ मा ब्राजिललाई विश्वकप जिताएका थिए । ब्राजिलले त्यस्तो खेल अहिलेसम्म खेलेको छैन, जसमा पेले र गारिन्चा दुवैले एकसाथ खेलेका थिए । गारिन्चाले सबैभन्दा उत्कृष्ट खेलाडीका रूपमा नौ वर्ष बिताए । पेलेको अनुपस्थितिमा गारिन्चाले सन् १९६२ मा उपाधि जिताएका थिए ।
१) क्रिस्टियानो रोनाल्डो
आफ्नो खुट्टा र प्रतिभासँगको बलका लागि गारिन्चा क्रिस्टियानो रोनाल्डोसँग पुग्न सक्दैनन् । महान जर्सी नम्बर सातको इतिहासमा रोनाल्डोको स्थिरता र दीर्घायु सबैभन्दा बढी छ । धेरै गोल गरेका कारण र उनले जितेका ट्रफीले उनी महान खेलाडीको सूचीमा पर्छन् ।
सोही कारण पनि उनी एक दशकसम्म महान खेलाडी बने । चार अलग-अलग क्लबका लागि सात सय ६८ खेलमा पाँच सय ७५ गोल गरे । पाँच पटक बेलोन डि ओर जिते । पाँच पटक च्याम्पियन्स लिग रोनाल्डोको उपलब्धि हो । फुटबलको इतिहासमा अब सबैभन्दा बढी प्रतिभाशाली र प्रतिक्षात्मक संख्या जर्सी नम्बर सात हुन सक्नेछ । तर, रोनाल्डोभन्दा माथि कोही छैनन् ।
प्रकाशित: Dec 31, 2017| 18:23 आइतबार, पुस १६, २०७४