धनगढीमा आन्दोलन गर्ने पक्राउ 

धनगढी- प्रदेश ७ को नाम सुदूरपश्चिम राख्नुका साथै राजधानी गोदावरी सारेको बिरोधमा धनगढीमा भैरहेको आन्दोलनको नेतृत्व गर्ने व्यक्ति पक्राउ परेका छन् । अटो रिक्सा चलाउने अर्का एकलार्इ पनि प्रहरीले नियन्त्रणमा लिएको छ । 

राजधानी सारेको बिरोधमा आन्दोलन भैरहेको बेला धनगढीको ट्राफिक चौराहबाट राजबहादुर ऐर र अटो रिक्सा चालक रामप्रसाद चौधरीलाई प्रहरीले पक्राउ गरेको हो । आफुहरुलाई जिल्ला प्रहरी कार्यालयको नियन्त्रणमा राखेको एरेले जानकारी दिए । 

अटो चालकलाई पनि आन्दोलनकारी नै सम्झेर नियन्त्रणमा लिएको ऐेरले जानकारी दिए । जिल्ला प्रहरी प्रवक्ता प्रहरी नायव उपरीक्षक हरी बहादुर वलीले जबर्जती सवारी साधनको हावा फुस्काउने बन्द गर्दै हिड्नेलाई नियन्त्रणमा लिने आदेश भएको बताए । 

तर उनले दुई जना नियन्त्रणमा लिएको बारेमा भने एकिन भैनसकेको प्रतिक्रिया दिए ।