सदनका कामकारबाही प्रभावकारी बनाउनेबारे प्रधानमन्त्री र सभामुखबीच छलफल

काठमाडौं- प्रधानमन्त्री शेरबहादुर देउवा र सभामुख अग्निप्रसाद सापकोटाबीच छलफल भएको छ। सङ्घीय संसद् भवन नयाँबानेश्वस्थित सभामुखको कार्यकक्षमा मंगलबार उनीहरुबीच छलफल भएको हो। 

सदनका काम कारबाही प्रभावकारी बनाउने विषयमा छलफल भएको सभामुखको सचिवालयले जानकारी दिएको छ। यस्तै विधेयकलाई अघि बढाउनेलगायत विषयमा छलफल भएको बताइएको छ। 

मंगलबार प्रतिनिधि सभाको बैठकमा सरकारले ‘नेपाल नागरिक उड्डयन प्राधिकरण विधेयक २०७६ र नेपाल हवाई सेवा प्राधिकरण विधेयक २०७६ टेबुल गरेको थियो। 

भेटमा गृहमन्त्री बालकृष्ण खाँण, अर्थमन्त्री जनार्दन शर्मा, नेकपा माओवादी केन्द्रका नेता देव गुरुङसमेत सहभागी थिए।