संसद छाड्ने राजेन्द्र महतोको चेतावनी

काठमाडौं– राष्ट्रिय जनता पार्टी (राजपा)का अध्यक्ष मण्डल सदस्य राजेन्द्र महतोले संसद छाड्ने चेतावनी दिएका छन्।

आफूहरूका माग सम्बोधन नभए सडकमा जाने चेतावनी महतोले दिएका हुन्। बिहीबारको संसद बैठकमा बोल्दै महतोले मधेशका माग सम्बोधन गरेर संविधान संशोधन नभए सदन छाड्नुको विकल्प नभएको बताए।

मधेशका माग सम्बोधन नभए यसअघिका ६ वटा संविधानको जे दुर्गति भयो हालको संविधानको पनि त्यही हविगत हुने उनको भनाइ थियो। जबसम्म हिन्दी भाषाले मान्यता पाउँदैन, तबसम्म आफू हिन्दीमा बोलिरहने उनले बताए।

आज वर्षे अधिवेशको अन्तिम दिन हो। वर्षे अधिवेशन सकिएपनि अधिकांश विधेयकहरु भने अझै अलपत्र अवस्थमा संसदमै छन्।