काठमाडौं-दोस्रो संस्करणको नेपाल स्ट्रोङगेष्ट सुनिल लाल जोशी स्मृति भारोत्तोलन प्रतियोगिता हुने भएको छ । प्रतियोगिता आगामी साता देखि हुने आयोजक काठमाडौं जिल्ला भारोत्तोलन संघले बुधबार पत्रकार सम्मेलन गर्दै जानकारी गराएको हो ।
असोज १७ र १८ गते दोस्रो संस्करणको प्रतियोगिता नेपाल भारोत्तोलन संघका पुर्व अध्यक्ष सुनिल लाल जोशीको दोस्रो स्मृति दिवसको अवसरमा हुनेछ ।
प्रतियोगितामा विभिन्न तौल समूहबाट १०० खेलाडीको सहभागिता रहने आयोजकले जनाएको छ । प्रतियोगितामा सिनियर र जुनियर महिलातर्फ समान ७-७ तौल समूह तथा सिनियर र जुनियर पुरुषतर्फ समान ८-८ तौल समूहगरि ३० तौल समूहमा प्रतिस्पर्धा हुनेछ ।
प्रतियोगितामा सहभागी हुन बाहिर जिल्लाबाट आएका खेलाडी तथा प्रशिक्षकलाई खाना र बस्नको ब्यवस्था समेत आयोजकले गरेको छ । नेपालमा भारोत्तोलनको विकास र प्रवर्दनका लागि प्रतियोगिताको आयोजना गर्ने गरेको काठमाडौं जिल्ला भारोत्तोलन संघका अध्यक्ष बिजेन्द्र बिक्रम शाहले जानकारी दिए ।
प्रकाशित: Dec 31, 2017| 18:23 आइतबार, पुस १६, २०७४