न्यूयोर्क : प्रधानमन्त्री केपी शर्मा ओलीले अमेरिकी राष्ट्रपति डोनाल्ड ट्रम्पसँग भेट गरेका छन्।
राष्ट्रपति ट्रम्प तथा प्रथम महिला मेलानिय ट्रम्पले राष्ट्रसंघीय महासभाको उच्चस्तरीय छलफल हुने अघिल्लो दिन सोमबार साँझ आयोजना गरेको स्वागत कार्यक्रममा ट्रम्प र ओलीले हात मिलाएर उभिएरै दुर्इ मिनेट कुराकानी गरेका छन्।
संक्षिप्त भेटका क्रममा ओलीले नेपालको दिगो शान्ति, विकास र दुईपक्षीय उच्चस्तरको भ्रमणबारे धारणा राखेको उनको सचिवालयले जनाएको छ।
स्वागत समारोहमा सहभागी हुने सबैसँग अमेरिकी राष्ट्रपतिले संक्षिप्त कुराकानी गर्दै फोटो खिच्ने कार्यक्रम थियो। सोहि अवसरमा प्रधानमन्त्री ओलीले ट्रम्पसँग भेट गरेका हुन्।
७३औँ महासभामा भाग लिन न्यूयोर्क पुगेका विभिन्न मुलुकका राष्ट्र प्रमुख, सरकार प्रमुख तथा सरकारका प्रतिनिधिको सम्मानमा गरिएको समारोहका प्रधानमन्त्री ओली र पत्नी राधिकालेसमेत सहभागिता जनाएका हुन्।
७० औं महासभामा सुशील कोइरालाले ओबामालाई भेटेका थिए। त्यसपछि कुनै पनि प्रधानमन्त्रीले अमेरिकी राष्ट्रपतिसँग कार्यक्रममै भए पनि भेटघाट गर्न पाएका थिएनन।
प्रकाशित: Dec 31, 2017| 18:23 आइतबार, पुस १६, २०७४