वीरगंज- घुस रकमसहित पक्राउ परेपनि सर्वोच्च अदालतबाट सफाई पाएका कर्मचारीलाई अख्तियार दुरुपयोग अनुसन्धान आयोगले सेवाग्राहीसँग १ लाख घुस लिएको आरोपमा पुन: पक्राउ गरेको छ।
वीरगंज महानगरपालिकाको शिक्षा समन्वय इकाईमा कार्यरत शाखा अधिकृतको शशि भुषण साह कानु अन्य दुईजना सँगै विहीबार पुन: अख्तियारको हात परेका हुन् ।
अख्तियारले वीरगंज महानगरपालिका कार्यालयको शिक्षा शाखाका प्रमुख मन्जुर आलम, शाखा अधिकृत कानु र उनका भतिजा अरुण साहलाई नगद १ लाख रुपैया सहित नियन्त्रणमा लिएको हो।
अख्तियारको टोलीले २ वर्ष अघि पनि तत्कालीन जिल्ला शिक्षा कार्यालय पर्सामा कार्यरत कानुलाई विध्यालय संचालकसँग घुस रकम लिंदै गर्दा रामटोलबाट पक्राउ गरेकोमा पछि सर्वोच्चबाट भ्रष्टाचारको मुद्दामा सफाई पाएपछि पुनः बहाली भएका थिए।
वीरगंज १४ बहुअरीका जावेद एकवाल हैदरले संचालन गर्न लागेको फुरकान इन्टरनेशनल एकेडेमी स्कूलको अनुमतिपत्रका लागि १ लाख रुपैयाँ असुल्दै गरेको अवस्थामा निजहरुलाई रंगेहात पक्राउ गरेको अख्तियारले जनाईएको छ ।
अख्तियार दुरुपयोग अनुसन्धान आयोग हेटौडाबाट खटिएको टोलीले हैदरसले घुस वापतको १ लाख रुपैयाँ लाठ गल्लीमा अवस्थित विस्मिल्लाह होटलमा महानगरपालिकाका शाखा अधिकृत शशि भुषण साहका भतिजा अरुण साहलाई पिडित दिने क्रममा अख्तियारको टोलीले निजलाई रंगेहात पक्राउ गरेको थियो ।
अरुणको वयानको आधारमा मंजुर र शशि भुषणलाई पक्राउ गरीएको अख्तियारको टोलीले जनाएको छ।
प्रकाशित: Dec 31, 2017| 18:23 आइतबार, पुस १६, २०७४