काठमाडौं–बालाजु क्षेत्रमा शुक्रबार दिनभर विजुली जाने भएको छ । सडक विस्तारका कारण उक्त क्षेत्रमा शुक्रबार विहान ८ बजेदेखि दिउँसो ३ बजेसम्म (आवश्यकताअनुसार) विजुली जाने भएको हो ।
प्राधिकरणको बालाजु वितरण केन्द्रका प्रमुख सुरज रेग्मीले बनस्थली चौकदेखि बालाजु प्रहरी चौकीसम्म सडक विस्तारका लागि बालाजु सवस्टेशनबाट आपूर्ति हुने क्षेत्रमा वत्ति जाने जानकारी दिएका छन् ।
उनकाअनुसार बालाजु–धर्मस्थली फिडरअन्तर्गत पुरानो गुहेश्वरी, फुलबारी गेट, मुड्खु, बतासे डाँडा, धितालथोक, तिनपिप्ले, जरंखु, नेपालटार, मनमैजु, फुटुङ, जितपुर हुँदै छत्रेदेउरालीमा वत्ति जाने भएको छ ।
त्यस्तै बालाजु–नागार्जुन फिडरबाट आपूर्ति हुने एमटीसी पर्खाल, जनजागृती, रोटरी क्लब, टौडोल, शितलास्कुल, रानीवन, बुद्धचोक, राधाकृष्ण हुदैँ एकलटार क्षेत्रमा समेत विद्युत जाने जानकारी गराइएकाे छ ।
प्रकाशित: Dec 31, 2017| 18:23 आइतबार, पुस १६, २०७४