म्याड्रिड (एजेन्सी)-डिडिफेन्डिङ च्याम्पियन रियाल म्याड्रिडले युइएफए च्याम्पियन्स लिगको समूह चरणको आफ्नो पहिलो खेलमा सहज जित निकालेको छ । रियालले इटालियन क्लब रोमामाथि ३-० को सहज जित निकालेको हो ।
रियालका लागि इस्को, ग्यारेथ बेल र मारियानो डियाजले एक एक गोल गरे । घरेलु मैदान सान्टियागो बर्नबेउमा बुधबार राति भएको खेलमा रियालले पहिलो हाफको इन्जुरी समयमा इस्कोको गोलबाट १-० को अग्रता लिन सफल भएको थियो ।
५८औं मिनेटमा ग्यारेथ बेलले लुका मोड्रिचको पासमा गोल गर्दै घरेलु टोलीलाई २-० को अग्रता दिलाए । त्यसपछि इन्जुरी समयमा ७३औं मिनेटमा ग्यारेथ बेलको स्थानमा मैदान प्रवेश गरेका वैकल्पिक खेलाडी मारियानो डियाजले गोल गरे ।
उनले मार्सेलोको पासमा गोल गर्दै घरेलु टोलीलाई ३-० को सहज जित दिलाए । रोमाले पनि गोलका कही मौका सिर्जना गरेपनि रियालको बलियो रक्षापङ्ति तोड्न सकेन ।
यो समुहको अर्को खेलमा भिक्टोरिया प्लाजेन र सिएसकेए मस्कोले २–२ गोलको बराबरी खेल्दै अंक बँडे ।
प्रकाशित: Dec 31, 2017| 18:23 आइतबार, पुस १६, २०७४