आमाको काखबाट चोरीएकी बालिका धान बारीमा

धनगढी- कञ्चनपुरको पुनर्वास नगरपालिकामा-८ मा आमाको काखबाट चोरीएकी नौ महिने एक बालिका धान बारीमा फेला परेकी छिन्।

पुनर्वास नगरपालिका-८ को एक गाउँमा गएराती आमाको काखबाटै बालिका चोरी भएको प्रहरीले जनाएको छ। तीजका लागि माइत गएकी सोही नगरपालिका-९ की बेलुदेवी विष्टकी छोरी सरु बिष्टलाई राति एक बजे आमाकै काखबाट चोरी गरिएको प्रहरीले जनाएको छ।
 
प्रहरी र स्थानीयको रातभरको खोजीबाट बालिका बिहान पौने सात बजेतिर घर भन्दा करिव एक किलोमिटर टाढा धान बारीमा सकुशल भेटिएको इलाका प्रहरी कार्यालय पुर्नवासका प्रमुख, प्रहरी निरीक्षक कर्ण चन्दले जानकारी दिए। 

चन्दका अनुसार नचिनेको महिलाले बालिका चोरेर लगेको बालिकाको आमाले बताइन्। छोरी चोरी भयो भनेर कराउँदै आमालाई उठाउँदासम्म महिला भागिसकेको उनले जानकारी दिईन्। प्रहरीले कसले चोरी गरेको भन्ने बारेमा पत्तानलागेको र घट्ना बारे अनुसन्धान भइरहेको जानकारी दिएको छ।