काठमाडौं- प्रतिष्ठित उद्यमी तथा रेस्टुरेन्ट व्यवसायी श्यामसुन्दर लाल कक्षपतिको सोमबार निधन भएको छ। लामो समयदेखि मुखको क्यान्सरबाट पीडित कक्षपतिको ७० वर्षको उमेरमा उपचारका क्रममा निधन भएको हो।
लामो समय भारतमा उपचार गराउँदा पनि निको नभएपछि केही समयअघि उनलाई थाइल्यान्ड लगिएको थियो।
नेपालमा रेस्टुरेन्ट तथा क्याफे कल्चर विकास गर्न योगदान रहेका कक्षपति रेष्टुरेन्ट एन्ड बार एसोसिएसन अफ नेपाल (रेबान) का संस्थापक अध्यक्ष तथा होटल संघ नेपाल .हान) का पूर्व अध्यक्ष हुन्।
उनी देशभर सञ्जाल रहेको नाङ्लो बेकरी र दी बेकरी क्याफेका संस्थापक पनि हुन्। उनको धादिङमा रिभरसाइड रिसोर्ट समेत सञ्चालनमा छ।
कक्षपति शुभतारा स्कुलका समेत सञ्चालक हुन्। कोरोना महामारीका कारण हालै उक्त स्कुल बन्द घोषणा श्यामकी पत्नी रानी कक्षपतीले गरेकी छन्।
नेपालमा ब्युटी प्याजेन्ट (मिस नेपाल प्रतियोगिता) सुरु गर्न पनि कक्षपति परिवारको महत्वपूर्ण योगदान छ। श्याम र उनका दाजु गोपाल कक्षपतिको कम्पनीले मिस नेपाल प्रतियोगिता सुरु गरेको हो।