नेकपामा नेपाल, गौतम, बादल र श्रेष्ठ  पहिलाे पटक एकै ठाउँमा 

काठमाडौं- बुधाबार बसेको नेकपाको सचिवालयको बैठकले कुनै निर्णय गर्न सकेन । झण्डै आधा घण्टा अध्यक्ष प्रचण्डले  आफ्नो भारत भ्रमणबारे बैठकमा  जानकारी गराएका थिए । स्रोतका अनुसार उनले भारतको नेपाललाई हेर्न दृष्टिकोण निकै रामो भएको भन्दै भरतको प्रसंशा गरेका थिए । 

प्रधानमन्त्री निवास बालुटारमा बसेको सो बैठकले तल्ला कमिटी तथा जनवर्गीय संगठनको एकताका बारेमा टुंगो लगाउने कार्यक्रम  थियो । तर नेतृत्वमा बिवाद भएपछि बिहीबार पुन बैठक बस्ने गरी  सहमति भएको छ । 

बैठकले  प्रदेश, जिल्ला र जनसंगठनको एकताको टुंगो थप मापदण्डका आधारमा लगाउने गरी छलफल सुरु गरेको छ । सचिवालय बैठकमा अध्यक्ष केपी ओलीले थप केही नीतिगत मापदण्डका आधारमा एकता टुंगो लगाउने प्रस्ताव गरेका थिए । 

नेकपाको तल्ला कमिटी र जनसंगठनको एकता करिब चार महिनादेखि अल्झिएको छ । गत ३ जेठमा एकीकरणलगत्तै नेकपाले तीन महिनाभित्र तल्ला कमिटी र जनसंगठनहरूको एकता सम्पन्न गरिसक्ने घोषणा गरे पनि लम्बिएको छ । 

प्रधानमन्त्री केपी ओलीसहित शीर्ष नेताहरूको व्यस्ततालाई कारण देखाउँदै सचिवालय र स्थायी समिति बैठक दुईपटकसम्म स्थगित भएपछि एकता लम्बिएको हो । अब सचिवालय र स्थायी समिति बैठकबाट केही दिनमै टुंग्याउने तयारी छ । यसरी लम्बिएका कारण स्थायी समितिको बैठक समेत पटक पटक सर्दै आएको छ। 

बैठकमा वरिष्ठ नेताद्वय माधवकुमार नेपाल र झलनाथ खनाल, सचिवालय सदस्य वामदेव गौतम, प्रवक्ता नारायणकाजी श्रेष्ठ, रामबहादुर थापालगायत अधिकांश नेताहरूले निश्चित विधि, प्रक्रिया र मापदण्डलाई आधार बनाएर मात्र एकता टुंग्याउनुपर्ने धारणा राखेका थिए । धेरै समय पछि उनीहरु एकै ठाँउमा आईपुगेका हुन्  । यस भन्दा अघि उनीहरु अलग अलग खेमामा थिए । यो विषयमा यी नेता एकै ठाउँ उभिनुलाई नेकपा भित्र बन्दै गरेको नयाँ समिकरणसंग पनि जोडेर हेरिएको छ । 

एकीकरण कार्यदलहरूको कतिपय प्रतिवेदन विवादित बनेको सन्दर्भमा अधिकांश नेताबाट यस्तो सुझाब आएपछि सचिवालय बैठक थप कस्तो विधि, प्रक्रिया र मापदण्ड बनाउने विषयमा केन्द्रित भएको छ ।
बैठकमा  शाीर्ष नेताहरुले आफु अनुकुललाई नेतृत्वमा ल्याउन लागेको भन्दै सचिवालयका बहुमत सदस्यहरु  निश्चित मिति र मापदण्डा बनाएर मात्र नेतृत्वको टुंगो लगाउनु पर्ने  माग गरेका थिए। महासचिव विष्णु पौडेलले एकीकरण कार्यदलका प्रतिबेदनको पोको खोले पनि त्यसको बुधबार टुंगो लागेन ।

प्रदेश १ मा शीर्ष नेताहरुबीच जुँगाको लडाई 

एकीकरणमा सबैभन्दा ठ्लो विवाद प्रदेश १ मा देखिएको छ। यसमा  पूर्व एमालेले अध्यक्ष पाउने आन्तरिक सहमति भएको छ। यो प्रदेशका कार्यदलका संयोजक भीम आचार्य हुन् ।

यो प्रदेशमा एकताका लागि अध्यक्ष केपी शर्मा ओली र वरिष्ठ नेता झलनाथ पक्ष एकातिर भएका छन् । उनीहरुले वरिष्ठ नेता नेपाल निकट जगन्नाथ खतिवडालाई कुनै हालतमा पनि अध्यक्ष बन्न नदिने रणनीति लिएका छन् ।

वरिष्ठताका हिसाबमा भने खतिवडाको विकल्प देखिदैन। अध्यक्ष  ओली भने देवराज घिमिरेलाई कुनै हालतमा पनि अध्यक्ष बनाउने रणनीतिमा लागेका छन् । आचार्यले यस प्रदेशबाट घनेन्द्र बस्नेत र देवराज घिमिरेको मात्र नाम पठाएपछि नेपाल रुष्ट भएका छन् । उनले  वरिष्ठता मिचेर पठाएको नाम मान्य नहुने भन्दै बुधबारको  सचिवालय बैठकमा कडा प्रतिवाद गरेका छन् 



ं