धनगढी- बाजुराको त्रिवेणी नगरपालिका-७ दगडमा बुवाले छोरीको हत्या गरेको खुलेको छ।
स्थानीय धन बहादुर अयडीले पाँच वर्षीया छोरीको हत्या गरेको जिल्ला प्रहरी कार्यालय बाजुराले जनाएको छ। हत्या गरी घर नजिकै शव गाडेको अवस्थामा फेला परेको बडिमालिका प्रहरी चौकिका प्रहरी सहायक निरीक्षक गगनसिंह भाटले जानकारी दिए।
झण्डै दुईसाता अघि कुटपिट गरि छोरीलाई मारेर खेतको आलिमा फालेको अनुसन्धानबाट खुलेको प्रहरीले जनाएको छ।
छोरीको हत्या भएपछि आमा धना अयडी भागेर माईत गएको स्थानीयले बताएका छन्। प्रहरीले घटना बारे अनुसन्धान गरिरहेको जनाएको छ। अयडीलाई प्रहरीले नियन्त्रणमा लिएको जनाएको छ।
प्रकाशित: Dec 31, 2017| 18:23 आइतबार, पुस १६, २०७४