काठमाडौं- काठमाडौंको ज्यांठामा भिषण आगलागी भएको छ । मंगलबार बिहान पौने ४ बजेबाट सुरु भएको आगलागीबाट तीनवटा घर पूर्णरुपमा जलेर नष्ट भएका छन् ।
सुमनमान स्थापितको घरबाट सुरु भएको आगलागीले तीन घरका तीनवटा तल्लामा रहेका सबै सामान जलेर नष्ट भएका छन् । तल्लो तल्लामा रहेको अक्सिजन ग्यासको सिलिन्डर पड्किदा आगो झनै फैलिएको थियो । आगलागीबाट करिब सात करोड बाराबरको क्षति भएको प्रहरीले प्रारम्भिक अनुमान गरेको छ ।
आगलागी भएको करिब २ घण्टा पछि स्थानीयबासी, प्रहरी र दमकलको साहयतामा नियन्त्रणमा लिइएको प्रहरी प्रभाग दरबारमार्गका प्रमुख प्रहरी नायव उपरीक्षक दानबहादुर मल्लले जानकारी दिए । आगो पानी तान्ने मोटरको विजुली सर्ट हुँदा लागेको उनले जानकारी दिए ।
प्रकाशित: Dec 31, 2017| 18:23 आइतबार, पुस १६, २०७४