काठमाडौं– पेस्तोल देखाई लुटपाट गर्ने पाँच जनालाई ललितपुर प्रहरीले पक्राउ गरेको छ । पक्राउ पर्नेमा काभ्रे खानीखोला–७ का अनिल घिसीङ, उमेश थोकर, जगत गोले, विकास बन्जारा र निसान गोले छन ।
ललितपुर प्रहरीका अनुसार बुधबार दिउसो तीन बजे काभ्रे खानीखोलाका तेरसाङ लामाको घरमा अभियुक्त पाँच जनाले पेस्तोल देखाई नगद तथा जिन्सी सामान लुटेका थिए ।
सामान लुटेर ललितपुरतिर भागेका उनीहरुलाई सुराकीका आधारमा चापागाउँ प्रहरीले पक्राउ गरेको हो । पक्राउ परेका उनीहरुको साथबाट एक चाईनिज पेस्तोल, त्यसमा लाग्ने एक म्यागेजिन तथा दुईवटा गोली , बा ५६ प ७०८३ तथा बा ६७ प ३७३३ नम्बरका दुईबटा मोटरसाईकल बरामद भएको छ ।
चापागाँउका प्रहरी प्रमुख डिएसपी राजकुमार सिँहका अनुसार बुधबार पक्राउ परेका पाँचै जनालाई थप अनुसन्धानका लागी काभ्रे पठाईएको छ ।
प्रकाशित: Dec 31, 2017| 18:23 आइतबार, पुस १६, २०७४