सुर्खेत-स्थानीय युवतीलाई बलात्कार गरेको आरोपमा जिल्ला प्रहरी कार्यालय सुर्खेतले दानबहादुर दानीलाई पक्राउ गरेको छ । बलात्कारको आरोपमा सुर्खेत पश्चिम चौकुने गाउँपालिकाका दानीलाई आइतबार प्रक्राउ गरिएको जिल्ला प्रहरी कार्यालय सुर्खेतका डिएसपी श्यामसिंह चौधरीले जानकारी दिए ।
‘दानीले सोही ठाँउकी २२ वर्षीया युवतिलाई बलात्कार गरेको आरोपमा पक्राउ गरिको हो,’ डिएसपी चौधरीले भने ‘आरोपीको बारेमा थप अनुसन्धान भैरहेको छ ।’ आरोपी पक्राउ परेपनि पीडित भनिएकी युवती भने प्रहरीको सम्पर्कमा आइ नपुगेको उनले बताए । युवती सदरमुकाम आइपुगेपछि मात्र घटनाको वास्तविकता थाहा उनले बताए ।
दानीलाई इलाका प्रहरी कार्यालय बाबियाचौरले पक्राउ गरी थप अनुसन्धानका लागि सदरमुकाम पठाएको छ । प्रहरी निरीक्षक सुशोभन श्रेष्ठका अनुसार दानीले घरमा एक्लै भएको मौकाछोपी बलात्कार गरेको आरोप युवतिले आरोप लगाएकी छिन् ।
प्रकाशित: Dec 31, 2017| 18:23 आइतबार, पुस १६, २०७४