भेनेजुएलामा सात म्याग्निच्युटको भूकम्प

काराकास- भेनेजुएलामा सात म्याग्निच्युटको शक्तिशाली भूकम्प गएको छ । अमेरिकी भूगर्भ विभागका अनुसार ट्रिनियाड एन्ड टोबागोको नजिक तटीय क्षेत्रलाई केन्द्रविन्दु बनाएर भूकम्प गएको हो । 

भूकम्पका कारण मानिसहरुबीच भागदौड मच्चिएको थियो भने थुप्रै घरहरु भत्किएको अन्तर्राष्ट्रिय सञ्चार माध्यमहरुले जनाएका छन् । मानवीय क्षति र भौतिक क्षतिको विवरण भने खुलाईको छैन् ।

तर, भेनेजुएलाका अधिकांश घर खाली गराइएको र मानिसहरुलाई खुला ठाउँमा राखिएको अन्तर्राष्ट्रिय सञ्चार माध्यमहरुले उल्लेख गरेका छन् । गृहमन्त्री नेस्टर रेवेरोलले भूकम्पको झड्का देशभर महसुस गरिएको बताएका छन्। भूकम्पका झड्का भेनेजुएलाको राजधानी काराकासमा समेत महसुस गरिएको थियो ।