काठमाडौं- लोडे गरिएको पेस्तोल र चार राउन्ड गोलीसहित तिनकुनेबाट प्रहरीले सात जनालार्इ पक्राउ गरेको छ।
महानगरीय प्रहरी परिसर काठमाडौंको टोलीले सोमबार तीनकुनेस्थित ए वान रेस्टुरेन्टबाट उनीहरुलार्इ पक्राउ गरेको महानगरीय प्रहरी परिसर काठमाडौंका प्रमुख प्रहरी वरिष्ठ उपरीक्षक वसन्त कुमार लामाले नेपाल समयलार्इ बताए।
पेस्तोल बोकेर हिडिरहेको भन्ने सूचनाका आधारमा दुई तीन दिनको निगरानीपछि उनीहरुलाई हतियारसहित नियन्त्रणमा लिइएको (एसएसपी) लामाले बताए।
उनीहरुलार्इ अहिले परिसर टेकुमा राखेर थप अनुसन्धान भइरहको लामाले जानकारी दिए।
प्रकाशित: Dec 31, 2017| 18:23 आइतबार, पुस १६, २०७४