इटाली- इटालियन सिरी ए फुटबलअन्तर्गत नयाँ सिजनको पहिलो खेलमा साबिकको विजेता युभेन्ट्सले संघर्षपुर्ण जित निकालेको छ।
शनिबार राति भएको खेलमा किएभो भेरोनालाई ३-२ गोल अन्तरले पराजित गर्दै युभेन्ट्सले सिजनको पहिलो खेलमा संघर्षपुर्ण जित निकालेको हो।
भेरोनाको मैदानमा भएको खेलमा युभेन्ट्सलाई जित दिलाउन सामी खेडिरा र फेड्रिको बर्नार्डडेस्चीले एक एक गोल गरे। युभेन्ट्सले एक आत्मघाती गोल उपहार पायो। भेरोनाका माटिया बानीले एक आत्मघाती गोल गरे। यस्तै भेरोनाका मारीउस्ज स्टेपिन्सकी र इमानुएल गिअचेर्नीले एक एक गोल फर्काए।
पोर्चुगिज स्टार क्रिस्टियानो रोनाल्डोले यसै खेलबाट युभेन्ट्स र सिरी ए फुटबलमा डेब्यु गरेका छन्। युभेन्ट्सले यसै सिजन स्पेनिस क्लब रियल मड्रिडबाट रोनाल्डोलाई क्लबमा भित्र्याएको हो । रोनाल्डोले डेब्यु खेलमा गोल भने गर्न सकेनन्। केहि गोलको अवसर पाएपनि रोनाल्डोले सदुपयोग गर्न सकेनन्।
प्रकाशित: Dec 31, 2017| 18:23 आइतबार, पुस १६, २०७४