एजेन्सी- एट्लेटिको मड्रिड युइएफए सुपर कप च्याम्पियन बनेको छ । शहरी प्रतिद्धन्द्धी रियल मड्रिडलाई अतिरिक्त समयमा ४-२ ले पराजित गर्दै एट्लेटिको मड्रिड युइएफए सुपर कप च्याम्पियन बनेको हो ।
२७ औं मिनेटमा करिम बेन्जेमाले गोल गर्दै खेललाई १–१ गोलको बराबरीमा ल्याएका थिए । पहिले हाफमा १-१ को बराबरी भएको खेलको ६३ औं मिनेटमा सर्जियो रामोसले पेनाल्टीमार्फत गोल गर्दै रियललाई २–१ को अग्रता दिलाए । त्यस्तै एट्लेटिकोका लागि ७९ औं मिनेटमा एन्जल कोरेरको पासमा कोस्टाले गोल गर्दै खेललाई २–२ गोलको बराबरीमा ल्याए ।
त्यसपछि निर्धारित समयमा दुबै टोलिबाट कुनै थप गोल हुन नसकेपछि खेल अतिरिक्त समयमा धकेलिएको थियो । अतिरिक्त समयको खेलमा एट्लेटिको मड्रिड खेलमा हावी हुदै दुई गोल गर्न सफल भयो । अतिरिक्त समयको खेलको ९८ औं मिनेटमा साउल निग्वेजले गोल गर्दै एट्लेटि कोलाई ३–२ को अग्रता दिलाए । त्यस्तै १०४ औं मिनेटमा कोकीले गोल गर्दै टिमलाई ४–२ को जित दिलाए ।
यससँगै एट्लेटिकोलाई तेस्रोपटक युइएफए सुपर कप जित्न सफल भयो । एट्लेटिकोले यसअघि २०१० र २०१२ मा युइएफए सुपर कपको उपाधि जितेको थियो भने रियलले २००२, २०१४, २०१६ र २०१७ गरि चारपटक युइएफए सुपर कपको उपाघि जितेको थियो ।
प्रकाशित: Dec 31, 2017| 18:23 आइतबार, पुस १६, २०७४