इंग्ल्यान्ड- म्यान्चेस्टर युनाइटेडले आफ्ना गोलकिपर डेभिड डे गेयसँग नयाँ सम्झौता गर्ने भएको छ। युनाइटेडसँगको नयाँ सम्झौतामा पत्रमा गोलकिपर डेभिडले हस्ताक्षर गर्ने विषयमा क्लब विश्वस्त रहेका बताइएको छ।
२७ बर्षीय डेभिडको युनाइटेडसँगको सम्झौता २०१९ मा सकिंदै छ। उनलाई युनाइटेडले अन्य सिजनकालागि समेत सम्झौता लम्ब्याउन सक्ने मौका रहेको छ।
यस सिजन रियल मड्रिड डेभिडलाई भित्र्याउन उसका प्रतिनिधिसँग वार्ता गर्न उत्साहित थियो। किनकी २०१५ देखी रियल डेभिड अनुबन्ध गर्न चाहेको खुल्दै आएको थियो। तर, रियलले ३५ मिलियन पाउण्डमा चेल्सीबाट थिवाउट कोउर्टोसलाई भित्र्यायो।
उनी मे, २०११ मा एटलेटिको मड्रिडबाट १८.९ मिलियन पाउण्डमा युनाइटेड भित्रिएका थिए। उनलाई चौंथो पटक अदभुत क्षमता भएको क्लब खेलाडीको नाम दिएको थियो। प्रिमियर लिगमा युनाइटेडलाई रनर-अप बनाउँदै आफ्नो प्रभावकारी प्रदर्शनका साथ उनी व्यावसायिक फुटबलर एसोशिएसन टिमको बर्ष खेलाडीमा समेत परेका थिए। तर, विश्वकप २०१८ मा उनले राम्रो प्रदर्शन गर्न सकेनन् र आलोचनाका सिकार बन्न पुगे। जहाँ स्पेनको पहिलो खेलमा रोनाल्डोले तीन गोल गर्दै खेल ३-३ को बराबरी गरेका थिए।
उनले यस सिजनको प्रिमियर लिगमा आफ्नो पहिलो खेलमा लेस्टर सिटी विरुद्ध उत्कृष्ट प्रदर्शन गर्दै युनाइटेडलाई २-१ ले जित दिलाउन सफल भएका छन्।
प्रकाशित: Dec 31, 2017| 18:23 आइतबार, पुस १६, २०७४