हतियार भण्डारमा विस्फोट, ३९ सर्वसाधारणको मृत्यु

लेबनान- सिरियाको उत्तरपश्चिममा अवस्थित प्रान्त इदलिवमा एउटा हतियार भण्डारण केन्द्रमा विस्फोट हुँदा ३९ जनाको मृत्यु भएको छ । आतबार भएको विस्फोटबाट १२ बालबालिकाको समेत मृत्यु भएको छ । मृतक सबै सर्वसाधरण भएको सिरिया युद्ध अनुगमन अधिकारीले बताएका छन् ।  

बेलायतस्थित सिरियाली मानव अधिकार अनुगमनकारी निकायले विष्फोटबाट भण्डार रहेको भवन पूर्णरूपमा भत्किएको र भग्नावशेषमा थुप्रै मानिस परेको जनाएको छ । 

इदलिबको सर्मादा शहरमा भएको विष्फोटको कारण समाचार तयार पार्दासम्म थाहा हुनसकेको अधिकारीले जनाएका छन् । भग्नावशेषलाई हटाउने क्रम जारी रहेकाले मृतकको सङ्ख्यामा केही वृद्धि हुनसक्ने सम्भावना देखिएको अधिकारीहरूले जनाएका छन् । एएफपी