काठमाडौं- आफ्नो छोरा अपहरणमा परेको भन्दै उजुरी दिने बैतडी पाटनका राकेश विष्टलाई महानगरीय प्रहरी परिसर काठमाडौंले नियन्त्रणमा लिएको छ।
काठमाडौंको कपनमा बस्दै आएका बिष्टले आफ्नो २० बर्षिय छोरा नरेश विष्ट अपहरण्मा परेको भनि बुधबार दिउँसो महानगरीय प्रहरी कार्यालय रानीपोखरीको कन्ट्रोल नं १०० मा गलत सुचना गरेका थिए।
नक्कली अपहरणको आशंकामा प्रहरी बाबु नरेश बिष्ट र उनको छोरा माथी अनुसन्धान गर्दा अपहरणको गलत सुचना दिएको पाईएपछि प्रहरीले विष्टलाई नियन्त्रणमा लिएको हो।
गलत सुचना दिई प्रहरीलाई भ्रममा पारेको बिषयमा अनुसन्धान तथा कारबाही अगाडी बढाईएको परिसरले जनाएको छ।
प्रकाशित: Dec 31, 2017| 18:23 आइतबार, पुस १६, २०७४