काठमाडौं- नेकपा एमालेले भोलि (आइतबार) का लागि बोलाएको केन्द्रीय कमिटी बैठक एक दिनलाई सरेको छ।
आन्तरिक तयारीका साथै एकता प्रक्रियालाई ध्यानमा राखेर पर्सि (सोमबार) बस्ने गरी बैठक स्थगित गरिएको पार्टी कार्यालयका सचिव शेरबहादुर तामाङले जानकारी दिए।
एमालेको असन्तुष्ट माधव नेपाल पक्षले केन्द्रीय कमिटीको बैठक स्थगित गर्न दबाब दिँदै आएको थियो।
गत हप्ता बसेको स्थायी कमिटी बैठकले साउन २४ गतेका लागि केन्द्रीय कमिटी बैठक तय गरेको थियो।
स्थायी कमिटी बैठकले विभिन्न विभागहरुलाई पूर्णता दिने, सदस्यता नवीकरण गर्ने तथा पालिकास्तरको अधिवेशनको मिति तोक्नेलगायतका निर्णय गरेसँगै नेपाल पक्षले आपत्ति जनाएको थियो।