मर्स्याङ्दीमा बगेका दुई बालक बेपत्ता

लमजुङ- मर्स्याङ्दी नदीमा पौडी खेल्न गएका दुई बालक बगेर बेपत्ता भएका छन्। 

सँगै पौडी खेल्न गएका चारमध्ये तीन जनालाई खोलाले बगाएको थियो। बगेका एक जनाको तत्काल उद्दार गरिएको थियो । बाँकी दुई जना बेपत्ता भएको प्रहरी निरीक्षक वसन्त पाण्डेले नेपाल समयलाई जानकारी दिए। 

‘मकैडाँडा भन्ने ठाउँमा चार बालक शनिबारको बिदामा पौडी खेल्न गएका रहेछन्। त्यसमध्ये तीन जनालाई खोलाले बगाएछ,’ घटनाबारे जानकारी दिँदै पाण्डेले भने, ‘बगेका एक जनाको सकुशल उद्धार गरियो । बाँकी दुई जना बेपत्ता छन्। उनीहरुको खोजी कार्य जारी छ।’

उनीहरूको खोजीका लागि प्रहरी टोली परिचालन गरिएको छ।