काठमाडौं-त्रिभुवन अन्तर्राष्ट्रिय विमानस्थलको रनवे अचानक भासिएर चिरा परेपछि एक घण्टा सबै उडान बन्द भएको छ ।
काठमाडौंबाट उड्ने तयारीमा रहेका आन्तरिक तथा अन्तर्राष्ट्रिय उडानलाई विमानस्थलमै ग्राउन्डेड गरिएको थियो भने अवतरणका लागि काठमाडौं आएका विमानहरुलाई एक घण्टासम्म आकासमै होल्ड गरिएको थियो ।
विमानस्थलको धावनमार्गको पिच उप्किएपछि त्यसलाई मर्मत गर्न विमानस्थल बन्द गरिएको हो ।
प्राविधिक टोलीको परिचालन पछि मर्मत भएको विमानस्थल सञ्चालनमा आएको छ । त्रिभुवन विमानस्थलमा यसअघि पनि पटक पटक धावन मार्गको पिच उप्किएर उडानअवतरण अवरुद्ध हुँदै आएको छ ।
प्रकाशित: Dec 31, 2017| 18:23 आइतबार, पुस १६, २०७४