काठमाडौँ : दोलखामा बिहीबार भूकम्पको धक्का महसुस गरिएको छ।
दोलखाको नाम्दु आसपास केन्द्रबिन्दु भएर आज गोरखा भूकम्पको परकम्प गएको भूकम्प पूर्वानुमान महाशाखाले जनाएको छ। दिउँसो २ बजेर ३२ मिनेट जाँदा ४. रिक्टर स्केलको परकम्प गएको राष्ट्रिय भूकम्प मापन केन्द्रले जनाएको हो।
भूकम्पबाट कुनै मानवीय तथा भौतिक क्षतिका विषयमा कुन जानकारी नआएको दोलखा प्रहरीले जनाएको छ।
यसअघि गत साउन ८ गते सिन्धुपाल्चोकको गजुरी आसपास केन्द्रबिन्दु भई ४.३ रिक्टर स्केलको परकम्प गएको थियो। गत असार २१ गते धादिङको झार्लाङ आसपास केन्द्रविन्दु भएर ४.१ रिक्टर स्केलको परकम्प गएको थियो । गत असार १४ गते पनि धादिङकै सुनौलोबजार केन्द्रविन्दु भई ५ रिक्टरको परकम्प गएको थियो।
केन्द्रका प्रमुख अधिकारीका अनुसार विसं २०७२ को गोरखा (७.६ रिक्टर स्केल) भूकम्पपछि हालसम्म ४ रिक्टर स्केलभन्दा माथिका ५०६ वटा परकम्प भएका छन्।
प्रकाशित: Dec 31, 2017| 18:23 आइतबार, पुस १६, २०७४