प्रहरीको पिटी सुजले गृहमन्‍त्रालयदेखि पूर्वप्रधानमन्‍त्रीसम्‍मलाई टेन्‍सन !

काठमाडौं-प्रहरीले प्रयोग गर्ने पिटी सुज यतिबेला गृहमन्त्रालयदेखि पूर्वप्रधानमन्त्री सम्मका लागि टाउको दुखाईको विषय बनेको छ । 

प्रहरीले लगाउने उक्त जुक्ता कम गुणस्तरको बनेर आएपछि प्रहरी प्रधान कार्यालयले त्यसलाई फिर्ता पठाउँदाको प्रभाव गृहमन्त्रालय तथा पूर्वप्रधानमन्त्रीसम्मलाई पुगेको छ । 

प्रहरीले टेन्डर आह्वान गरी बनाएको ४३ हजार जोडी जुत्ता कम गुणस्तरको भएपछि प्रधान कार्यालयले अस्वीकृत गरेको प्रहरी उच्च अधिकारीले जनाएका छन् । 

अस्विकृत जुत्ता लिईदिन केही पूर्वप्रधानमन्त्री तथा विभिन्न दलका शीर्ष नेता र गृहमन्त्रालयका केही उच्च अधिकारीले पनि दबाब खेपिरहेको प्रहरी स्रोत जनाएकोछ । 

बोलकबोल मार्फत निर्यातकर्ता मित्रध्वज लामाले प्रहरीले प्रयोग गर्ने ४३ हजार जोडी जुत्ता मापडण्ड नै नपुर्‍याई प्रहरी प्रधान कार्यालय पठाएको थियो ।

लामाले प्रहरीको लागी तयार पारेको सो जुत्ताको गुणस्तर मापन गर्ने एससिएस कम्पनीले जुत्ताको मापदण्ड पूरा नभएको जनाएकोछ । 

कमसल तथा प्रयोगगर्दा चिप्लीने प्रकृतिको जुत्ता निर्यातकर्ताले लाएको र जुत्तामा हुनुपर्ने दुई ग्रीपको ठाउँमा तीन भएको र यो प्रयोग गर्न अफ्ठेरो हुने तथा चिप्लिने प्रहरी प्रधानकार्यालय स्रोतले जनाएको छ । 

प्रहरी प्रमुख सर्वेन्द्र खनालले मापदण्ड नपुगेको जुत्ता कुनै हालतमा स्वीकार नगर्ने बताए पछि लामाले प्रभावशाली नेताको प्रयोग गरी प्रहरीलाई दबाब दिलाएका थिए ।
 
प्रहरी प्रधान कार्यलय श्रोतका अनुसार लामाको टेन्डर रद्ध गरी उनि बिरुद्ध  कालो बजारी अन्र्तगत मुद्धा चलाउने तयारी छ ।