बुटवल- लामो समयदेखि सभामुख र उपसभामुख दुवै पद आफैंले राखेको भनेर सरकारविरुद्ध विरोध गर्दै आइरहेको नेपाली कांग्रेस अन्तत: अदालत पुगेकव छ।
प्रदेश ५ कि प्रदेशसभा सदस्य तथा कांग्रेस नेतृ रिना नेपाल विकले सभामुख र उपसभामुख फरक-फरक दलको हुनुपर्ने माग गर्दै अदालतमा रिट दायर गरेकि हुन्।
रिनाले उच्च अदालत तुलसीपुर बुटवल इजलासमा बुधबार रिट दायर गरेकी हुन्। पटक-पटक संसदमा कुरा उठाएपनि सत्तापक्षले सुनाई नगरेपछि रिट दायर गरेको सांसद रिनाले बताइन्।
रिटमा प्रदेश ५ का मुख्यमन्त्री शंकर पोखरेल, सभामुख पूर्णबहादुर घर्ति, उपसभामुख कृष्णी थारु र प्रदेशसभा सचिवालयलाई विपक्षी बनाइएको छ ।
नेपालको संविधानको धारा, १८२ को उपधारा (२) को (१) मा प्रदेश सभामुख र उपसभामुख फरक फरक दलको हुनुपर्ने र सभामुख वा उपसभामुखमध्ये एक जना महिला हुनुपर्ने उल्लेख छ।
नेपालको संविधानको धारा, ९१ को उपधारा (२) को (१)मा प्रतिनिधि सभाको सभामुख र उपसभामुख फरक फरक दलको हुनुपर्ने र सभामुख वा उपसभामुखमध्ये एक जना महिला हुनुपर्ने उल्लेख छ।
सरकार गठन हुनुअघि छ वटै प्रदेशमा फरक-फरक दल (तत्कालिन एमाले र माओवादी) बाट सभामुख र उपसभामुख चयन भएका थिए। तर, सरकार गठन भएपछि पार्टी एकै भएकोले सभामुख र उपसभामुख अब फरक दलबाट हुनुपर्ने माग राख्दै आएको छ।
प्रकाशित: Dec 31, 2017| 18:23 आइतबार, पुस १६, २०७४