धनगढी- भारतबाट तेल लिएर धनगढीतर्फ आएको एक ट्यांकर भन्सार छलेर ल्याएको हार्डवेयर सामानसहित प्रहरीले नियन्त्रणमा लिएको छ ।
ना ७ ख २८०२ र ना ४ ख ९९१३ नम्बरको टयांकरलाई मंगलबार दिउँसो सशस्त्र प्रहरी बल आउट फोर्स करिब एक लाख मुल्य बराबरका बेरिङ, रड, मोटरसाइकलका टयुब, एंगल, रेञ्च र बोल्टलगायत हार्डवेयर सामानसहित ट्यांकर नियन्त्रणमा लिएको सशस्त्र प्रहरी बल बोर्डर आउट पोष्टका प्रमुख प्रहरी निरिक्षक हर्क साउदले जानकारी दिए ।
उनले भन्सारबाट प्रज्ञापन पत्र लिएर धनगढी डिपोतर्फ जाँदै गरेको उक्त ट्यांकरलाई शंका लागेर चेकजाच गर्दा हार्डवेयरका समानहरु फेला परेको बताए ।
साउदका अनुसार चालकले मुल्यवान सामान दुई वटा झोलामा हालेर क्याविनमा राखेको अवस्थामा फेला परेको उनले जानकारी दिए । सामान र ट्यांकर चालक झकुले बम र शंकर चन्दलाई भन्सार कार्यालय कैलालीमा बुझाएको छ ।
ट्याक्टर भने प्रजोलनशिल पदार्थ भएकाले छोडिएको छ । बम र चन्दलाई जिल्ला प्रहरीको जिम्मा लगाईएको छ । यस्तै सशस्त्र प्रहरीले विभिन्न स्थानबाट भन्सार छली गरेर ल्याउदै गरेका करिब एकलाख मुल्य बराबरका लुगा कपडा नियन्त्रणमा लिएर मंगलबार नै भन्सार कार्यालयलाई बुझाएको छ ।
प्रकाशित: Dec 31, 2017| 18:23 आइतबार, पुस १६, २०७४