धनगढी- नेपाली कांग्रेसका केन्द्रीय सदस्य तथा पुर्वमन्त्री रमेश लेखकले केपी ओली नेतृत्वको सरकारको छलाङ मुल्यबृद्धीमा मात्र भएको आरोप लगाएका छन् ।
धनगढीमा आयोजित विरोधसभामा लेखकले सरकार बनेको एक बर्ष नपुग्दै पाँच पटक पेट्रोलियम पदार्थको मूल्य वृद्धि गरेको आरोप लगाए । यसबाहेक जनताका अत्यावश्यक बस्तुमा पनि चर्को मुल्यबृद्धी गरेर सरकारले जनताको ढाड सेक्ने काम भएको लेखकले बताए ।
'जबजब कम्यूनिस्टहरु सरकारमा जान्छन् तबतब देश गम्भीर मोडमा पुग्छ,' लेखकले भने, 'देश र जनताको चिन्ता भन्दा पनि पदको चिन्ता बढी हुन्छ । दुई तिहाईको दम्भ देखाएर न्यायलय पनि प्रभावित गर्न पनि खोज्छ ।'
सरकारका हरेक कामकाज जनबिरोधी भएकाले कांग्रेसले बिरोधमा उत्रिनु परेको उनले बताए । यो सरकारले मन्त्रीलाई प्रश्न सोध्दा कार्यक्रम नै बन्द गर्ने प्रेस स्वतन्त्रता बिरोधि काम गरेकाले प्रेस स्वतन्त्रता खतरामा पार्न खोजेको आरोप लगाए । साथै लेखकले प्रम वलीलाई कांग्रेसको चिन्ता नगर्न बरु जनताको पक्षमा काम गर्न सुझाए ।
सरकारले सर्वसत्ताबाद लाद्न खोजेको भन्दै लेखकले कांग्रेस त्यस बिरुद्द लागिरहने बताए । संविधान नजोगिने सबैभन्दा बढी चिन्ता यसै सरकारबाट रहेको उनले बताए ।
यहि सरकारका पालामा छोरी चेलिहरु बलात्कृत र हत्याको सिकार भइरहेकोले शान्तिसुरक्षा निकै कम्जोर रहेको उनको भनाई थियो ।
प्रकाशित: Dec 31, 2017| 18:23 आइतबार, पुस १६, २०७४