काठमाडौं- हप्ताको शुरुवातसँगै नेप्स बजार बढेको छ ।
आइतबार नेपाल स्टक एक्स्चेन्ज (नेप्से) परिसूचक झिनो ३.६२ अंकले बढेको छ । झिनो अंकले बढ्दा परिसूचक एक हजार १९४.८२ बिन्दुमा पुगेको छ । विभिन्न कम्पनीहरुले वोनस बाड्न शुरु गरेसँगै नेप्से बजारमा सकरात्मक प्रभाव परेको हो ।
शेयार बजारमा १५३ कम्पीहरुको २ हजार ९८५ शेयर ७ लाख ८१ हजार ४८४ पटक खरिद बिक्री भएको छ । उक्त खरिदबिक्रीबाट पुग्दा कारोबार १८ करोड ४९ लाख ९ हजार २७० रुपैयाँ कारोबार भएको छ ।
त्यस्तै ‘क’ बर्गको कम्पनी मापन गर्ने सेन्सेटीभ इण्डेक्स पनि ०.५९ प्रतिशत बढेर २५१.५५ विन्दुमा पुगेको छ ।
आइतबार नेप्सेमा आएका दश समूहमध्ये पाँच समूहको परिसूचक बढेको छ भने अर्को पाँच वटाकै घटेको छ ।
बैंकिङ, विकास बैंक, ननलाईफ इन्स्योरेन्स, अन्य र लाईफ इन्स्योरेन्स समूहको परिसूचक बढेको छ ।
होटेल, हाइड्रोपावर, फाइनान्स, उत्पादनमुलक र माइक्रोफाइनान्स समूहको परिसूचक घटेको छ ।
त्यस्तै नेप्सेमा आएका विभिन्न कम्पनीहरुमध्ये सबैभन्दा बढी नेसनल हाइड्रोपावर कम्पनीका लगानीकर्ताले कमाएका छन् । आईपीओभन्दा कम मूल्यमा शेयर पाएपछि लगानीकर्ताहरु अकार्षित भएका हुन् ।
सबैभन्दा बढी सीटी एक्स्प्रेस फाइनान्स कम्पनीका लागनीकर्ताले गुमाएका छन् । प्रतिकिक्ता शेयार बराबर ९.६८ प्रतिशतले लागनी गुमाएको हो ।
प्रकाशित: Dec 31, 2017| 18:23 आइतबार, पुस १६, २०७४