बालाजु औद्योगिक क्षेत्रको नेबिको बिस्कुट कारखानामा 'भीषण' आगलागी

काठमाडौं- बालाजु औद्योगिक क्षेत्रमा भीषण आगलागी भएको छ। काठमाडौं–१६ मा पर्ने औद्योगिक क्षेत्रमा रहेको नेबिको बिस्कुटको कारखानामा भीषण आगलागी भएको हो।

आगो ८ दमकल, २० वटा पानी ट्यांकर, स्थानीयबासी र सुरक्षाकर्मीको सहयोगमा आगलागी नियन्त्रणको प्रयास भइरहेको प्रहरीले जनाएको छ।

कारखानामा शनिबार बिहान २ बजेदेखि लागेको आगो अझै नियन्त्रणमा लिन नसकिएको प्रहरीले जनाएको छ। आगलागी भएको प्रहरीले जानकारी दिएको छ। आगलागीको कारण र क्षतिको विवरण भने थाहा नभएको प्रहरीले जनाएको छ।