सरकारी वार्ता टोली केसीको अनशनस्थलमा

काठमाडौं- २७ दिनदेखि अनशनरत डा गविन्द केसी पक्ष र सरकारी वार्ता टोलीबीच बिहिबार सात बुँदामा सहमति भएपछि सरकारी वार्ता टोली अनशनस्थल त्रिभुवन विश्वविद्यालय शिक्षण अस्पतालमा पुगेको छ। 

सहमति भएका बुँदामा डा केसीले पनि सहमति जनाएपछि उनले अनशन तोड्ने जनाइएको छ। डा केसी र सरकारी पक्षबीच मंगलबार साँझदेखि वार्ता शुरु भएको थियो। तर, यसअघि भएका दुर्इपटकको वार्तामा सहमति हुन सकेको थिएन। 

निरन्तरको अनशनले डा केसीको स्वास्थ्य निकै कमजोर बनेको छ। उनलार्इ बलपूर्वक काठमाडौं ल्याएको भन्दै स्वास्थ्य उपचारसमेत लिन मानेका छैनन्। आइतबार उनकी आमाको विशेष आग्रहमा रगत परिक्षणका लागि तयार भएका थिए। 

सरकारी र केसी पक्षबीचको वार्तामा भएका सहमति अनुमोदन गर्न केहीबेरमा मन्त्रिपरिषद बैठक बस्ने भएको छ।