कांग्रेस केन्द्रीय कार्यसमिति बैठक साउन २८ गते

काठमाडौं- नेपाली कांग्रेसको केन्द्रीय कार्य समिति बैठक साउन २८ गते बस्ने भएको छ। पार्टी कार्यालयका मुख्य सचिव कृष्णप्रसाद पौडेलले केन्द्रीय कार्यसमिति बैठक २८ गते दिउँसो २ बजे पार्टी केन्द्रीय कार्यालय सानेपामा बस्ने जानकारी दिएका हुन्।

बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित केन्द्रीय सदस्यहरुलाई उपस्थितिका लागि अनुरोध गरिएको छ।

कांग्रेसले आगामी भदौमा गर्ने भनिएको १४औँ महाधिवेशन अन्योलमा परेका बेला केन्द्रीय कार्यसमिति बैठक बोलाइएको हो।

यसअघि पटकपटक पदाधिकारी बैठक बस्दै आएको छ।