एजेन्सी-ग्रीसको राजधानी एथेन्स नजिकैको एक गाँउमा भएको भिषण आगोलागीमा परी २४ जनाको मृत्यु भएको छ ।
ग्रीसको माल्टी गाँउबाट करिब २९ किलोमिटर पुर्वमा पर्ने गाँउ नजिकैको जंगलमा लागेको आगो गाँउलाई एकैछिनमा घेरेको अन्तर्राष्ट्रिय सञ्चार माध्यमले जनाएका छन् ।
आगोलागीबाट एक सय बढि घाईते भएका छन । स्थानीय पर्यटकीय स्थान रहेको उक्त ठाउँ युवा तथा बच्चा बच्चीको लागी छुट्टी मनाउने आर्कषक गन्तब्य हो ।
ग्रीस सरकारका प्रवत्ता दिमित्रीस ट्जान्कोपुलोस ले आगोलागीबाट ८८ जना बृद्ध तथा १६ जना बालबालीका प्रभावित भएको बताए ।
धुवाँको मुस्लोमा निसास्सीएर एक ६ महिनाको बच्चाको पनि मृत्यु भएको प्रतक्षदर्शीले बताएका छन् ।
समाचार एजेन्सी रायटर्सका अनुसार आगोलागीको घटना पछि बोस्नीयामा रहेका ग्रीसका प्रधानमन्त्री आलेक्स स्वदेश फर्किएका छन् ।
प्रकाशित: Dec 31, 2017| 18:23 आइतबार, पुस १६, २०७४