टोरोन्टोमा भएको गोली प्रहारमा एक महिलाको मृत्यु, १३ घाइते

काठमाडौं- क्यानडाको टोरोन्टोस्थित ग्रिक टाउन सिटीमा आइतबार राति भएको गोलीकाण्डमा एक महिलाको मृत्यु भएको छ। घटनामा एक बालिकासहित १३ जना घाइते भएका छन्।

गोली प्रहार गर्ने व्यक्ति प्रहरीको इन्काउन्टर मारिएको टोरन्टो प्रहरी प्रमुख मार्क सान्डेर्सले बताए। घाइते बालिकाको अवस्था गम्भीर रहेको बताइएको छ।

स्थानीय बासिन्दाका अनुसार राति १० बजे हमलाकारीले २५ देखि ३० राउन्ड गोली प्रहार गरेका थिए। पारामेडिक्स दमकल तथा प्रहरीले घटनास्थललगायत अासपासका रेस्टुराँलार्इ खाली गराएको छ। प्रहरीका अनुसार आक्रमणकारीले हाते गन प्रयोग गरेका थिए।

घटना आतंककारी हमला भने नभएको प्रहरीको भनाइ छ। पछिल्लो समय क्यानडामा गोलीकाण्डका घटना बढेका छन् । तथ्यांकअनुसार गत वर्षको तुलनामा  यस वर्ष गोलीकाण्डका घटना दुई गुणाभन्दा बढीले वृद्धि भएको छ।