साउने सोमबारको पूजा गर्न हिमानी पशुपतिमा

काठमाडाैं- नेपाली नारीहरूको विशेष पर्व साउने सोमबार पूर्वयुवराज्ञी हिमानी शाहले पनि विशेष रूपमा मनाएकी न् । साउनको पहिलो सोमबार आज पशुपतिनाथको मन्दिरमा पुगेर पूजा अर्चना गर्दै उनले पनि मनाएकी हुन् । 

धार्मिक तथा सांस्कृतिक कार्यक्रममा सक्रिय रहँदै आएकी हिमानी छोरा–छोरीलाई पनि साथमा लिएर पशुपतिनाथ पुगेकी थिइन् । उनले पशुपति क्षेत्रमा करिब आधा घण्टा बिताइन्। 

साउनको सोमबार हिन्दु महिलाहरू भगवान शिवको व्रत बस्ने गर्छन् । साउने सोमबार ब्रत बसे सन्तानबाट खुशी र पारिवारिक शान्ति मिल्ने धर्मशास्त्रहरूमा उल्लेख छ । 

साउनको सोमबार भगवान शिवको पूजा अर्जना गरे मनोकामना पूरा हुने धार्मिक विश्वकासका साथ महिलाहरू शिवालयमा पुग्ने गर्छन् । पशुपतिनाथमा बिहानैदेखि महिला भक्तजनको घुइँचो लागेको छ ।